Það er hægt að breyta vatni í vín ef marka má þessar myndir þar sem geymslu var breytt í svona líka fínt rými. Heiðurinn af þessu á ástralska arkitektastofan Sam Crawford Architects.
Settur var glerfrontur á rýmið til að hleypa birtunni inn og eldhúsi og stofu komið fyrir. Hægt er að opna rýmið upp á gátt þannig að eldhúsið stækkar í raun um helming þegar búið er að opna. Fyrir utan er allt súpersnyrtilegt þótt útsýni sé af skornum skammti.
Á sjálfri eldhúsinnréttingunni eru smart smáatriði eins og gatamynstrið í innréttingunni. Stíllinn er svolítið hrár en samt hlýlegur.