Hjónin Hafsteinn Júlíusson og Karitas Sveinsdóttir, sem reka HAF studio, verða með jólamarkað á Þorláksmessu við Geirsgötu 7 á milli 13 og 22. Hjónin ætluðu að opna verslun í rýminu í ágúst en því miður seinkaði verkefninu.
„Rýmið á Geirsgötu er á framkvæmdastigi og munum og við sýna gestum hvernig verslun og vinnustofa mun koma til með að líta út með 3D sýndarveruleikagleraugum. Við verðum með hluta af þeim vörum sem við munum bjóða upp á í versluninni til sölu og einnig sýnum við Veggjstjaka mini í fyrsta skipti sem er væntanlegur úr framleiðslu í vikunni ásamt borðstjaka sem hefur verið uppseldur,“ segir Hafsteinn í samtali við Smartland.
Í HAF Studio sem opnar á nýju ári munu hjónin láta gamlan draum rætast og opna verslun í gömlu verðbúðunum við Geirsgötu. Þar ætla þau að bjóða upp á sérhönnuð húsgögn, eigin vörulínu, sérvalda notaða hönnunarvöru, blóm og plöntur í bland við aðra hönnun.