Fáránlegt skipulag heima hjá Kardashian

Ef þú hefur heillast af aðferðum Marie Kondo í byrjun árs ætti næsta skref að vera aðferðir skipulagssérfræðinganna í The Home Edit. Sérfræðingarnir hafa meðal annars tekið til hendinni hjá stjörnum á borð við Khloé Kardashian. 

Nú er skrifstofa raunveruleikstjörnunnar eins og safn. Fólk með heimaskrifstofur þekkir það að nota herbergin lítið vegna þess að draslið safnast ofan á skrifborðinu. Það á sér ekki stað hjá Kardashian enda búið að raða fallega upp og allt í sama litaþemanu eins og sjá má á mynd sem skipulagssérfræðingarnir birtu á Instagram. 

Kardashian fékk líka hjálp með að endurraða í búrinu. Þó að áður hafi ekki verið jafn mikið drasl og í mörgum eldhúsum þar sem skápaplássið er minna er töluverður munur eftir aðgerð sérfræðinganna. Allt er í röð og reglu og vel sést hvað er til og hvað ekki.  

Búrið hjá Khloe Kardashian fyrir og eftir komu The Home Edit. skjáskot/Instagram

• Blogga um frétt