Einn þekktasti húsgagnahönnuður heims, Hans J. Wegner, hannaði yfir 500 stóla á sinni starfsævi. Einn hans vinsælasti stóll er er kallaður Y en dagana dagana 20.-21. september býðst áhugasömum hönnunarunnendum að fylgjast með vefaranum Muhamad vefa nokkra Y- stóla í verslun Epal. Muhamad er einn af færustu vefurum sem starfa hjá Carl Hansen & Søn sem framleitt hefur þessa þekktu stóla frá árinu 1950.
Muhamad kemur til með að sýna ótrúlega tækni sem er að baki þess að vefa sæti í Y stólana og hægt verður að festa kaupa á þessum stólum sem eru merkilegir fyrir þær sakir að vera að hluta til framleiddir á Íslandi. Einnig verður mögulegt að fá Muhamad til að árita stólana - einungis 6 eintök í boði.
Stóllinn er að mestu leyti handgerður, þar á meðal er setan handofin úr 120 metrum af sterkum pappírsþræði sem á að duga í allt að 50 ár. Hans J. Wegner hannaði stólinn fyrir Carl Hansen & Son árið 1949, og hefur hann verið óslitið í framleiðslu frá 1950. Stóllinn heitir í raun CH24 en er kallaður Y-stóllinn á íslensku og óskabeinsstóllinn á ensku, eða Wishbone chair.