Eitt fallegasta hús Grafarvogs komið á sölu

Við Brúnastaði í Grafarvogi stendur ákaflega fallegt 198,3 fm einbýli sem byggt var 1998. Mikil lofthæð er í húsinu og allt ákaflega fallegt um að litast. 

Húsið var endurnýjað mikið 2013 á einstakan og smekklegan hátt. Eldhús og stofa eru í sama rými og fá húsgögnin að anda vel á þessu svæði. Í þessu rými eru sérsmíðaðar bókahillur sem setja svip sinn á rýmið. 

Í þessu sama rými eru mjög stórir gluggar sem ná upp í loft. Það hleypir mikilli birtu inn og gerir rýmið enn þá meira heillandi. Í húsinu er mikið af fallegum húsgögnum sem skapa fagra heildarmynd. 

Af fasteignavef mbl.is: Brúnastaðir 52