Vilhjálmur Bretaprins og eiginkona hans, Katrín hertogaynja, eiga aðeins fallegri heimaskrifstofur en margir aðrir. Kóngafólkið birti myndir á Instagram-reikningi Kensington-hallar þaðan sem þau sinntu störfum sínum.
Vilhjálmur leggur greinilega mikið upp úr þægindum en hann sést í þægilegum skrifstofustól við skrifborð sitt við arinn. Stór og ljótur prentari og snúrur sem fylgja prentaranum grípa strax augað.
Katrín virðist hafa það töluvert huggulegra. Skrifborðið sem hún situr við er nett og á skrifborðinu eru fallega innbundnar klassískar breskar bókmenntir. Stóll hennar telst þó varla eins þægilegur og stóll eiginmanns hennar.