Afreksíþróttakonan Karen Axelsdóttir og eiginmaður hennar, Gunnar Páll Tryggvason hjá Alfa framtakssjóði, hafa fest á glæsihúsi Þorsteins M. Jónssonar, oft kennds við Coca Cola. Húsið stendur við Laufásveg 73 og var skráð á félagið M ehf. sem er í eigu Þorsteins.
Húsið við Laufásveg er eitt af fallegustu húsum miðbæjarins og hefur verið töluvert í fréttum síðustu ár. Húsið hefur verið í leigu í síðustu ár og hafa ýmis stórmenni leigt það til lengri eða skemmri tíma. Húsið er 260 fm að stærð og því ætti ekki að fara illa um fjölskylduna í húsinu.
Í húsinu eru vandaðar og fallegar innréttingar. Í eldhúsinu er súkkulaðibrún viðarinnrétting með ljósum steinborðplötum og fá gluggarnir í franska stílnum að njóta sín til fulls.
Garðurinn fyrir utan Laufásveg 73 er afar stór og reisulegur og ef Gunnar Páll og Karen verða í miklu stuði gætu þau hugsanlega komið gíraffanum fyrir í garðinum hjá sér. Þau komust í fréttir 2017 þegar þau festu kaup á 300.000 króna gíraffa í Costco til þess að lífga upp á teiti sem þau héldu í tilefni af 15 ára brúðkaupsafmæli sínu.