Við Garðastræti í miðbæ Reykjavíkur stendur afar sjarmerandi 118,7 fm íbúð sem stendur í húsi sem byggt var 1935. Ljósir litir eru ríkjandi í íbúðinni og hvílir ákveðin ró yfir henni. 

Stofa og borðstofa eru samliggjandi og prýða fallegir loftlistar íbúðina. Veggirnir eru málaðir í ljósgráum tónum sem fer við eikarborðstofuhúsgögn. 

Í eldhúsinu er látlaus hvít innrétting með svörtum höldum. Hvítar borðplötur undirstrika hreinleikann og fegurðina. 

Svefnherbergið er einstaklega hlýlegt en á veggnum eru listar sem skapa ákveðna stemningu. Listarnir eru svolítið eins og rúmgafl en þó áfastir og því ekki með neitt vesen. 

Eins og sjá má á myndunum er einstakur stíll á þessari íbúð og augljóst að mikið hefur verið lagt í að skapa ró og frið í rýminu. 

Af fasteignavef mbl.is: Garðastræti 16