Fótboltamaðurinn Heiðar Helguson hefur sett sitt glæsilega einbýlishús við Sporðagrunn á sölu. Húsið er 270 fm að stærð og var byggt 1961. Í húsinu eru átta herbergi, sex svefnherbergi og þrjú baðherbergi.
Heimili Heiðars er hlýlegt og fallegt en þar býr hann ásamt unnustu sinni Mariam Sif Vahabzadeh.
Í eldhúsinu er svört innrétting með risastórri eyju með viðarborðplötu. Eldhúsið er opið inn í stofu þar sem pláss er fyrir stóran sófa og sjónvarp en í rýminu er líka arinn.