Við Hverfisgötu í miðborg Reykjavíkur er að finna ótrúlega smekklega innréttaða 77 fermetra íbúð á þriðju hæð. Íbúðin er björt og falleg og falleg listaverk prýða veggina. 

Íbúðin er innréttuð í skandinavískum stíl þar sem minna er betra en meira. Í eldhúsinu er svört viðarinnrétting hönnuð af Berglindi Berndsen og Helgu Sigurbjarnardóttur sem hönnuðu bæði íbúðir og sameign hússins. Ásett verð er 58.500.000 krónur.

Í eldhúsinu er líka stór eyja með vaski og uppþvottavél. Eitt svefnherbergi er í íbúðinni. Yfir sófanum í stofunni er fallegt verk eftir Reginu Rourke.

Heimilið prýddi forsíðu Hús og híbýli í júní.

Af fasteignavef mbl.is: Hverfisgata 94