Ivanka Trump, dóttir Donalds Trumps fyrrverandi Bandaríkjaforseta og eiginmaður hennar Jared Kusnher hafa fest kaup á lúxusvillu í suður Flórída í Bandaríkjunum. Kaupverðið var 24 milljónir bandaríkjadala og fengu þau milljón í afslátt þar sem húsið hafi verið á sölu í hálft ár. 

Húsið var byggt árið 1994 og stendur á stórri lóð. Þar er að finna stórar sundlaugar, heita potta og stóran garð. Húsið er 790 fermetrar að stærð og er í nýklassískum frönskum stíl. 

Hjónin keyptu lóð hinu megin á skaganum á Indian Creek eyjunni í lok síðasta árs. Sögusagnir eru hins vegar á kreiki um að þau hjónin séu ekkert sérstaklega velkomin í því hverfi og þá sérstaklega ekki í sveitaklúbbnum í hverfinu.