Það er hægt að skipta fólki í tvennt eftir því hvort það tekur límmíðana af Iittala-vörunum eða ekki. Stórleikarinn Jóhannes Haukur Jóhannesson liggur ekki á skoðunum sínum og segir að límmiðarnir eigi að fara af.
„Þetta á að fara af. Alltaf,“ skrifaði Jóhannes Haukur á Instagram og birti mynd af nokkrum límmiðum með Iittala-merkinu.
Límmiðamálið er þekkt deilumál í saumaklúbbum og á kaffistofum landsins enda finnsku hönnunarvörurnar til á mörgum íslenskum heimilum. Stundum gleymir fólk hreinlega að taka miðana af vörunum. Aðrir halda því fram að fólk haldi í miðana til þess að sýna merkið.