Við Miðtún í Reykjavík er að finna afar sjarmerandi heimili þar sem mikið er lagt í að búa til létta og ferska stemningu. Um er ræða 72 fm íbúð sem er í húsi sem byggt var 1951. Íbúðin er á efstu hæð með svölum.
Hún er að hluta til undir súð sem þýðir að gólfflöturinn er meiri en 72 fm. Í stofunni er hátt til lofts og eru öll loft lökkuð hvít. Stór svalahurðaveggur setur svip sinn á stofuna og hleypir mikilli birtu inn.
Í eldhúsinu er hvít innrétting með sundlaugabláum flísum á milli skápa og brúnbleikri borðplötu eins og var arfavinsælt í kringum 1990.
Hurðakarmar og gluggar eru málaðir hvítir en innihurðarnar eru úr furu.
Eigendur íbúðarinnar eru listamenn í að búa til skemmtilega stemningu. Listaverkum er raðað upp á einstakan hátt og þótt flest í miðrými sem lakkað hvítt þá fær blár skápur að njóta sín og svo eru plöntur í miklu aðalhlutverki í íbúðinni.