Leikstjórinn Tómas Helgi Baldursson og Ástrós Arnarsdóttir golfkennari hafa sett sína fallegu íbúð við Barmahlíð á sölu. Íbúðin er rúmlega 73 fm að stærð og er í húsi sem byggt var 1948. Heimili þeirra er með hvítri innréttingu í eldhúsinu og eru viðarborðplötur á öllu. Lítið er um efri skápa í eldhúsinu en í stað þeirra eru léttar hillur.
Parið keypti íbúðina 2019 og hefur síðan þá búið sér fallegt heimili. Holið í íbúðinni er til dæmis málað í brúnbleikum lit sem skapar hlýlega stemningu. Grágrænn litur fær svo að njóta sín í stofunni og í eldhúsinu.
Eins og sjá má á myndunum er heimili þeirra notalegt og umvefjandi.