Halla Bára Gestsdóttir, innanhússhönnuður og húsahvíslari, og Gunnar Sverrisson ljósmyndari hafa sett íbúð sína við Þórsgötu á sölu. Hjónin eru þekktir fagurkerar og hafa einstakt lag á því að keyra upp fegurð híbýla með hugviti sínu. 

Um er að ræða 123 fm íbúð sem er í húsi sem byggt var 1963. Skipulagið á íbúðinni er gott og þess gætt að fólk geti haft það náðugt. Eldhúsið er til dæmis í aflokuðu herbergi sem er það stórt að hægt er að nota það sem vinnuaðstöðu og svo leynist þvottahús inni í einum skápunum í eldhúsinu. 

Í eldhúsinu er dökk innrétting með svörtum marmara sem keyptur var í Fígaró. Á gólfinu eru svart hvítar flísar sem passa vel við innréttingar og ekki síst endaveginn í íbúðinni þar sem hjónin lögðu mikla vinnu í að leysa málningu af veggnum til þess að framkalla suður-ítalska stemningu. 

Af fasteignavef mbl.is: Þórsgata 12