Píratinn Andrés Ingi Jónsson og eiginkona hans, Rúna Vigdís Guðmarsdóttir forstöðukona, hafa fest kaup á glæsilegu raðhúsi við Laugalæk. Húsið keyptu þau af Breka Logasyni upplýsingafulltrúa Orkuveitunnar og Vé­dísi Sig­urðardótt­ur stjórn­enda­markþjálfa. Andrés Ingi og Rúna Vigdís greiddu 134.000.000 kr. fyrir húsið. 

Húsið er 174 fm og var byggt 1960 og hef­ur húsið verið end­ur­nýjað mikið. Eld­hús og stofa eru í sam­eig­in­legu rými. Í eld­hús­inu eru inn­rétt­ing­ar frá HTH með eikar­lituðum hurðum að hluta til. Stíll­inn er svo­lítið dansk­ur og minn­ir á eld­hús­in sem stund­um birt­ast í Bo Bedre. Á móti eik­inni eru hurðar, sem ná upp í loft, með sprautulakkaðri áferð. Ab­solu­te White Quartz steinn er á borðplöt­un­um. 

Horft inn stofuna og inn í eldhús. Eins og sést er stíllinn á húsinu smart og heillandi.

Frétt af mbl.is

Upplýsingafulltrúinn og markþjálfinn selja stórhýsið