Það var glatt á hjalla þegar Herranótt, leikfélag MR, frumsýndi verkið West Side Story í Gamla bíó. Um er að ræða 172. uppsetningu Herranætur og kom það í hlut Ágústu Skúladóttur að leikstýra verkinu. 

West Side Story er frægasta ástarsaga í heimi samhliða Rómeó og Júlíu. Verkið fjallar um tvö gengi sem berjast hörðum höndum fyrir götum New York borgar. Riff, foringi Þotnanna, er ósáttur við Hákarlana, innflytjendagengi frá Púertó Ríkó sem bíta fast og vilja ráða yfir hverfinu. Sýningin einkennist af togstreitu ástar og haturs á milli tveggja ólíkra þjóðflokka. 

Leikstjóri verksins er Ágústa Skúladóttir, hún útskrifaðist úr Philippe Gaulievere í London árið 1991. Hún er margverðlaunaður leikstjóri og hefur meðal annars leikstýrt Klaufar og kóngsdætur sem vann Grímuverðlaun fyrir barnasýningu ársins. Danshöfundur er Brynhildur Karlsdóttir og er á sviðslistabraut í Listaháskóla Íslands. Hún samdi dansa fyrir Vorið vaknar á Herranótt árið 2015. Tónlistarstjóri er Gunnar Benediktsson, meðlimur í hljómsveitinni Skálmöld og kennir einnig í Listaháskóla Íslands við Tónlistardeild. Útlitshönnuður er Kristína Bermann. Hún hefur séð um ógrynni af sýningum og nokkrar af sýningum Herranætur. Aðstoðarleikstjóri er Stefán Gunnlaugur Jónsson, fyrrverandi MR-ingur og Herranæturstjórnarmeðlimur.