Það ríkti mikil stemming þegar dansverkið Crescendo var frumsýnt í Tjarnarbíói á fimmtudagskvöldið. Frumsýningargestir voru himinlifandi með verkið sem bjó yfir fallegri kvenorku. 

Danshöfundurinn Katrín Gunnarsdóttir sótti innblástur í vinnusöngva og erfiðisvinnu kvenna fyir verkið. Dansararnir Heba Eir Kjeld, Snædís Lilja Ingadóttir og Védís Kjartansdóttir túlkuðu vinnu kvenna í gegnum aldirnar í hreyfingum og hljóði sem ein manneskja á sviðinu.