Extraloppan opnaði í gær við mikinn fögnuð. Fullt var út úr dyrum, svo fullt, að það þurfti að hleypa fólki inn í hollum. 

Extraloppan í Smáralind er verslun þar sem fólk getur leigt sér bás og selt föt sem ekki lengur eru í notkun. Mikil vakning er í samfélaginu um endurnýtingu og hefur deilihagkerfið aldrei verið vinsælla. Það er því ekki að undra að allt hafi verið á útopnu þegar verslunin var opnuð í Smáralind.