Crossfitstjarnan Annie Mist Þórisdóttir lét sig ekki vanta þegar Gló opnaði nýjan stað. Hún er ekki vegan en sagði á Instagram að hún gæti alveg hugsað sér það ef hún myndi borða á Gló alla daga. 

Annie Mist tók kærasta sinn með sér en hann heitir Frederik Aegidius. Hann er á kafi í crossfit eins og hún og hefur fjórum sinnum keppt á heimsleikunum í crossfit. 

Í gær var glatt á hjalla á Gló við Engjateig þar sem staðurinn var enduropnaður. Þessi nýi staður býður eingöngu upp á grænmetismat og lögð áhersla á að mömmur með barnavagna geti átt þar notalegar stundir. Eins og sést á myndunum var mikið húllumhæ!