Athafna- og áhrifavaldaparið Lína Birgitta Sigurðardóttir og Guðmundur Birkir Pálmason fögnuðu með sínu besta fólki um helgina. Tilefnið var ný sólgleraugnalína þeirra, Moxen Eyewear, sem fór í sölu fyrr í sumar.
Á meðal gesta voru Ásgeir Kolbeinsson, athafnamaður og kærasta hans Hera Gísladóttir, heilsumarkþjálfi, Sólrún Diego áhrifavaldur og Sara Lind Pálsdóttir, betur þekkt sem Sara í Júník. Rvk Coctails sáu um að blanda dýrindis drykki handa gestum en Sætar syndir sáu um veitingarnar.
Guðmundur segir að partíið hafi tekið einstaklega vel og að ný og endurbætt vefsíða Moxen hafi fengið frábærar viðtökur. Parið neyddist til að fresta sölu á gleraugum sínum örlítið í sumar vegna þess að greiðslukerfi sem þau völdu reyndist bilað. Eftir að nýtt greiðslukerfi var tekið í gagnið hefur allt gengið smurt.