Leikarinn Vilhelm Neto mætti með kærustu sinni Tinnu Ýr Jónsdóttur og móður sinni Guðlaugu Rún Margeirsdóttur þegar leikritið Macbeth var frumsýnt í Borgarleikhúsinu föstudaginn 13. janúar.
Sýningarinnar var beðið með mikilli eftirvæntingu enda Macbeth einn þekktasti harmleikur Shakespears. Hin litháenska Ursule Barto er leikstjóri verksins en Hjörtur Jóhann Jónsson fer með hlutverk Macbeths og Sólveig Arnarsdóttir hlutverk lafði Macbeth.