Sonurinn er stjórnlaus alkóhólisti

Íslensk kona hefur áhyggjur af drykkju sonar síns.
Íslensk kona hefur áhyggjur af drykkju sonar síns. mbl.is/Getty

Valdimar Þór Svavarsson, ráðgjafi hjá Lausninni, svarar spurningum lesenda. Hér fær hann spurningu frá ráðþrota móður sem á son sem drekkur of mikið. 

Sæll.

Hvert er best að leita varðandi sívaxandi áfengisnotkun ungs manns? Hann hefur einu sinni farið í meðferð en líkaði illa, fannst erfitt að kynnast þeim „heimi“ sem honum mætti þar. Nú drekkur hann daglega og hefur gert í margar vikur, en tekur sig til á milli og vill hætta. Neyslan veldur honum hugarangri, kvíða og depurð. Samt telur hann sig ekki geta hætt. Honum hafa boðist meðferðarviðtöl og lyf, en ekkert dugar. Hann vinnur fyrir sér og leigir íbúð. Hvert er best að snúa sér?

Kveða og þökk, áhyggjufull móðir.

Valdimar Þór Svavarsson.
Valdimar Þór Svavarsson. mbl.is/Árni Sæberg

Góðan daginn og takk fyrir spurninguna.

Áfengisneysla er víða vandamál og fín lína á milli þess að njóta áfengis og að nota það. Þegar fólk ánetjast áfengi er það harður húsbóndi og því miður getur liðið langur tími þar til viðkomandi áttar sig á að um vandamál er að ræða, ef það gerist þá einhvern tímann. Það er ástæða fyrir því af hverju alkóhólismi er kallaður fjölskyldusjúkdómur, hann hefur áhrif á alla þá sem umgangast þann sem á við vandann að stríða. Þess vegna er mikilvægt fyrir aðstandendur að leita sér aðstoðar til þess að þeim geti liðið sem best í aðstæðunum. Þetta er svolítið eins og að vera farþegi í bíl sem ekið er af stjórnlausri manneskju. Þú getur annað hvort verið í bílnum með öllum þeim ótta og kvíða sem því fylgir, reynt að stjórna bílstjóranum sem lætur ekki að stjórn og upplifað sorgina og skilningsleysið yfir hegðuninni. Hinn kosturinn er að velja að fara úr bílnum og vera í hæfilegri fjarlægð frá ökuferðinni, sem mun hvort eð er eiga sér stað.

Algengt er að aðstandendur eru mikið að hugleiða hvernig alkóhólistanum líður, hvað hann gerir, hvað hann gerir ekki og fara jafnvel beint eða óbeint að reyna að stjórna viðkomandi svo hann hætti iðju sinni. Vandinn er sá að þeir sem eiga við alkóhólisma að stríða þurfa að finna það hjá sjálfum sér að vilja hætta og í mörgum tilvikum hefur það neikvæð áhrif þegar aðstandendur eru að ýta á eftir því. Best er því fyrir þig að hlúa að sjálfri þér, gera það sem þú getur til þess að láta þér líða betur. Það getur þú gert með því að fara á aðstandendanámskeið hjá SÁÁ og 12 spora fundi á borð við Al-anon til þess að eiga samskipti við aðra í svipuðum aðstæðum. Einnig er gott að leita til ráðgjafa sem hafa þekkingu á alkóhólisma og meðvirkni. Ef sonur þinn veit að þú ert ekki að dæma hann, ert til staðar ef hann leitar til þín og vill vinna á vandanum, þá er það besta sem þú getur veitt honum. Hann þarf svo sjálfur að taka ábyrgð á sínum vanda og vonandi finnur hann fyrr en síðar viljann sem þarf til að takast á við áfengislöngunina.

Gangi þér allt í haginn.

Með bestu kveðju, 

Valdimar Þór Svavarsson ráðgjafi

mbl.is

Glóðu eins og demantur um jólin

13:00 Náttúruleg, bronsuð förðun með áherslu á fallega og ljómandi húð sem hentar fullkomlega fyrir öll jólaboð í ár. Natalie Kristín Hamzehpour förðunarmeistari gefur góð ráð. Meira »

Google getur ekki lagað hjónabandið

10:00 „Google á ekki maka eða barn svo ekki er hægt að ganga að traustum upplýsingum þar. Það er mjög gefandi að deila með körlum hvað rannsóknir sýna skýrt hve miklu máli þeir skipta fyrir parsambandið og fyrir barnauppeldi. Það sem karlar vilja vita eru vísindalega sönnuð leyndarmál um samskipti kynjanna sérstaklega sett fram fyrir karlmenn,“ segir Ólafur Grétar. Meira »

Frábærar gjafir fyrir níska Jóakima

05:00 Það þekkja allir einn Jóakim, einstakling sem elskar að spara, safna peningum og jafnframt erfitt að gera til geðs. Vanda þarf því gjafavalið sérstaklega. Meira »

Fjölmenntu á Jacobsen Loftið

Í gær, 23:00 Nýrri skartgripalínu Orrifinn var fagnað á Jacobsen Loftinu í gær. Fólkið á bak við Orrifinn eru þau Helga Guðrún Friðriksdóttir og Orri Finnbogason. Halla Þórðardóttir mætti í boðið og framdi gjörning við tónverk eftir Daníel Ágúst Haraldsson. Meira »

Tapaði ég peningunum á Karolina Fund?

Í gær, 19:00 „Vorið 2017 „keypti ég“ tvær bækur á hópfjármögnun á Karolina Fund eða rúmlega 14.000 krónur og var lofað plakati með, penna og boð í útgáfuhóf. Bókin átti að koma út um haustið en hefur ekki ennþá komið út. Hvernig virkar svona, er hægt að fá endurgreitt eða eru þetta bara tapaðir peningar?“ Meira »

Melania litaði hárið ljóst fyrir jólin

Í gær, 17:00 Netverjar spurðu sig hvort forsetafrúin væri að safna í hárkollu fyrir eiginmann sinn en Donald Trump er þekktur fyrir óvenjuþykkan og -ljósan makka miðað við aldur. Meira »

Lærði að elska upp á nýtt á Tenerife

í gær „Þetta ár er búið að vera lagskipt. Hófst með skilnaði, sagði upp á Rás 2, flutti til Tenerife þar sem margt gott hefur gerst. Einnig hafa komið hér erfiðir tímar og þá helst er ég var fluttur nær dauða en lífi á sjúkrahús. Ég fékk blæðandi magasár,“ segir Guðni Már. Meira »

Húsið sem Ármann færði yfir á konuna

í gær Ármann Þorvaldsson skráði einbýlishús þeirra hjónanna, Dyngjuveg 2, á eiginkonu sína, Þórdísi Edwald árið 2011 eða 18. apríl það ár. Meira »

Var 100 kíló en keppir nú í fitness

í gær Lilja Ingvadóttir var um 100 kg fyrir áratug þegar hún ákvað að taka sig taki. Í dag er hún á fullu að undirbúa fitnessmótið Iceland Open sem fram fer á laugardaginn. Meira »

Þurfti rútu fyrir kjólinn

í fyrradag Jennifer Lopez mætti í bleiku skrímsli á rauða dregilinn. Slóði kjólsins var svo stór að stjarnan gat ekki mætt á frumsýningu í hefðbundinni lúxusbifreið. Meira »

Bullandi stemming í ICE HOT-veislu

í fyrradag Listafólk kom saman og skemmti sér þegar opnunarhátíð norræna danstvíæringsins ICE HOT Nordic Dance Platform fór fram í Borgarleikhúsinu á miðvikudagskvöldið Meira »

Drukku í sig listina í kjallaranum

í fyrradag Á dögunum opnaði myndlistarkonan Þórdís Erla Zoëga sýninguna HARMONY í Kjallaranum, Geysi heima. Það var því fagnað í versluninni þar sem gestir og gangandi nutu listar og hönnunar með léttum veitingum. Meira »

Lærðu að farða þig eins og Kardashian

í fyrradag Nýlega tók Kim Kardashian smokey-augnförðunina alla leið og paraði brúnan varalitablýant við ásamt hlutlausum varalit.  Meira »

Henti tugum þúsunda í ruslið

13.12. Ebba Sig eyddi eitt sinn aðfangadagskvöldi úti í ruslageymslu við peningaleit. „Það er afar sjaldgæft að ég hjálpi við tiltekt, af því ég borða alltaf yfir mig, þannig að þetta hlaut að enda illa.“ Meira »

Rut Kára: „Svörtu-loftin stækka rýmið“

13.12. Rut Káradóttir innanhússarkitekt hefur verið leiðandi í hönnun á íslenskum heimilum síðan hún kom heim úr námi frá Ítalíu fyrir meira en tveimur áratugum. Hún notar sitt eigið heimili sem tilraunastofu og segir að það sé miklu betra að selja fólki sem hún er að hanna fyrir hugmyndir þegar það getur séð hvernig hlutirnir líta út í raun og veru. Hún segir líka að það að fá innanhússarkitekt spari fólki mikla peninga. Meira »

Heimilislæknir selur rándýrt hús við sjóinn

12.12. Heimilislæknirinn Torbjörn Andersen og eiginkona hans, Eygló Jónsdóttir, hafa sett einbýlishús sitt við Sæbraut 17 á sölu.   Meira »

Anna Margrét og Laufey buðu í flott partí

12.12. Útgáfuhóf barnabókarinnar Milli svefns og Vöku eftir Önnu Margréti Björnsson og Laufeyju Jónsdóttur var haldið að viðstöddu góðmenni á Hlemmi Square síðastliðið fimmtudagskvöld. Sagt var frá bókinni sem er tileinkuð Ásu Georgíu, dóttur Önnu Margrétar, sem fékk blóm í tilefni dagsins. Meira »

Svona fer Chris Pratt að því að grennast

12.12. „Virkar frekar vel og ég hef misst nokur kíló nú þegar,“ sagði leikarinn Chris Pratt um föstuna sem hann er á en hann hvetur fólk til þess að kynna sér málið enn frekar. Meira »

Svona bjuggu Katrín og Pippa

12.12. Áður en Katrín gekk að eiga Vilhjálm Bretaprins bjó hún með systur sinni í notalegri íbúð í eigu foreldra þeirra í Chelsea-hverfinu í London. Meira »

Algeng hönnunarmistök í svefnherberginu

12.12. Þó að fólk geri fátt annað en að sofa í svefnherberginu ætti herbergið ekki að bíða afgangs. Listaverk og fjölbreytt lýsing er meðal þess sem ætti að fá að njóta sín í svefnherberginu líkt og í stofunni. Meira »

Æskan hefur áhrif á hjónalíf fullorðinsára

11.12. Linda Baldvinsdóttir segir að tengsl okkar við foreldra í æsku hafi miklu meiri áhrif á tengsl okkar á fullorðinsárum en við gerum okkur grein fyrir. Meira »