Leiðin að betra kynlífi felst ekki endilega í nýjum stellingum eða kynþokkafullum undirfötum. Rannsóknir hafa sýnt að pör sem deila húsverkunum stundi meira kynlíf og eru ánægðari með kynlífið. Þetta snýst ekki bara um jafn mikið vinnuframlag heldur líka hvaða húsverkum fólk deilir eins og Marie Claire komst að.
Vísindamennirnir sem Marie Claire ræddi við komust að því að þeir karlmenn sem sinna ekki einir matarinnkaupum séu ánægðari með bæði kynlífið og sambandið en þeir sem fara einir í Costco. Stephanie Coontz vill meina að sameiginleg ákvarðanataka sem á sér stað í búðarinnkaupum hafi góð áhrif á sambandið.
Það sama gildir ekki um konur en fullur vaskur af óhreinu leirtaui er sagður drepa kynhvöt kvenna. Konur sem sjá aðallega um að vaska upp eru sérstaklega óánægðar í samböndunum sínum.
Þetta ætti kannski ekki að koma á óvart enda þekkt að upp komi ósamkomulag í ástarsamböndum vegna þess að annar aðilinn þrífur aldrei klósettið og hinn setur aldrei í þvottavél. Þrátt fyrir að rannsóknin væri gerð á fólki með börn ætti jafnrétti heima við að koma til góða á öllum heimilum.