Þurfti að slíta öllum samskiptum

Á þessum tímapunkti í hennar lífi sagði ég því við hana: „Hættu alveg að hafa samband við hann.“

Það krefst hugrekkis að hafa ekki samband. En þar sem Mac var orðinn fíkniefni í kerfinu hennar Deidre þurfti hún að fara í fráhald, fráhvörf og ná aftur tökum á sér.

Á meðan margir stefnumótamarkþjálfar nota „ekkert samband“ sem stjórnunartæki til að fá fyrrverandi til að sakna þín í von um að hann komi til baka tel ég að aðferðin sé til þess gerð að hjálpa konum eins og Deidre að ná stjórn á eigin lífi. Það er einmitt í styrkleikanum sem aflið býr. Deidre þarf að komast á þann stað að lífið hennar verði frábært, hvort sem Mac verður inni í því eða ekki.“

Á þeim 60 dögum sem ég tel lágmark að vera í fráhaldi getur þú búist við eftirfarandi:

1. Þetta verður erfitt

„Meirihluti fólks notar ást eins og fíkniefni. Það fer í vímu yfir fólki, nálægð fólks eða samþykki þess veldur fíkniáhrifum. Fráhvörfin sem myndast þegar þetta er ekki til staðar eða óttinn sem skapast við þær aðstæður þegar þessir aðilar þurfa að finna ástina innra með sér getur verið mikill.

Hafðu trú á því að allt endi vel. Þú verður sorgmædd. Þú munt syrgja. En þú munt einnig finna styrk, fá sjálfstraust, öryggi og standa í eigin valdi. Ef valið stendur á milli þess að einhverjum líki við þig eða beri virðingu fyrir þér, þá skaltu alltaf velja hið seinna.“

2. Þögn þín talar hærra en öll orð sem þú gætir notað

„Að enda langtímasamband með textaskilaboðum er verst. Í það minnsta jafnslæmt og að finna út að þinn fyrrverandi var að halda framhjá með vini þínum. Eða að hann hafi haft viðhald í áratug. Þú áttar þig á ástæðunni fyrir því að ég legg þetta til jöfnunar.

Þinn fyrrverandi veit að hann hefur ekki hagað sér vel. Hann er að bíða eftir því að þú öskrir, svo hann geti kallað þig klikkaða. Ef þú gerir það þá ertu að gefa honum afsökun fyrir hvernig hann kom fram við þig.

Með því að hafa ekki samband þá ertu að breyta stöðu þinni. Þú ert að taka valdið í sambandsslitunum. Með því að halda til baka skoðun þinni um hvernig hann kom fram, þá þarf hann að sitja með sína eigin hegðun. Vegna þessa mun hann fljótt átta sig á að þú ert það besta sem hann átti. Þá beinir þú sársaukanum til þess sem særði.“

3. Þú munt öðlast mikilvæga tilfinningalega hæfni

„Í sambandsmissi skapast oft meiri tími. Mundu að nota þennan tíma gáfulega. Æfðu þig í að þróa tilfinningalega hæfni og greind svo þú eigir meiri möguleika í lífinu, hvort sem þú ert með þínum fyrrverandi eða ekki. 

Í vinnu minni sé ég hvernig 90% af vandamálum verða vegna þess að fólk á erfitt með að setja mörk í lífinu. „Nei“ er lítið stutt orð sem við notum ekki nægilega oft. 

Með því að hafa ekki samband þannig getur þú þróað með þér betri hæfni til að setja mörk og látið sjálfstraustið þitt vaxa. Reyndu að losa þig við brenglaða hegðun úr æsku sem á ekki við lengur. Ef þú horfir á hvað þér mistókst í sambandinu og lagar það, áttu betri möguleika í næsta sambandi.“

4. Þú munt uppgötva gleymdar uppsprettur hamingju aftur

„Konur sem eru einar eiga oft frábærlega skemmtilegt líf. Þær dansa salsa, búa til ljóð og fara í fjörugar ferðir út á land. Í samböndum gleyma margar konur að halda áfram að leika sér. Þær fara ofan í djúpa holu og finnst það þægilegt. Þær hætta að daðra og byrja að nöldra. Þær forðast gömlu vinina og stóran hluta af sér sjálfum. Þegar þú ákveður að hafa ekki samband þá færðu tíma til að efla orkuna þína og eltast við markmiðin, hvort sem þau eru stór eða smá. Náðu þér í MBA-gráðuna sem þig langaði alltaf í. Farðu í ferðalag til framandi landa. Daðraðu við sæta strákinn í danstímanum. Finndu bestu útgáfuna af þér.

Þú munt fljótt komast að því að lífið þitt án kærastans eða makans er öðruvísi, en það er alveg jafnæðislegt og með honum. Þegar þú byrjar að brosa og hlæja aftur, þá ferðu að fá þessa útgeislun sem er svo falleg. Áður en þú veist af koma nýir vonbiðlar. Því heimurinn er fullur af fólki og allsnægtum. Skortur er blekking.“

5. Þú munt geta skilgreint hvað þú vilt í lífinu

Ef sambandið sem þú varst í var ekki að ganga upp spáðu þá í því hvaða gildi maki þinn eða kærasti var ekki með sem hefði hentað þér betur. Gerðu gildi heilög í næsta sambandi og ekki semja um gildi sem skipta þig máli.“

6. Að hafa ekki samband mun færa þig inn í raunveruleikann

„Í samböndum hleður kynlíf líkamann þinn með dópamíni og fleiri gleðilegum efnum. Líkaminn þinn finnur fyrir jákvæðum áhrif þess. Þegar þú hættir að fá þessi efni inn í líkamann þinn þá ferðu beint inn í raunveruleikann. Þá sérðu þinn fyrrverandi ekki fyrir það hver þú vildir að hann væri heldur fyrir það sem hann er. Að hann sé ekki hugrakkur? Að hann sé sjálfhverfur? Og fleira í þeim dúrnum.

Þegar augun þín opnast fyrir þessum raunveruleika getur þú gert þér betur grein fyrir því hvort hann sé góður fyrir þig eða ekki. Hjónaband eða langtímasamband er ekkert grín, svo þú vilt deila því með einhverjum sem er stöðugur og gerður til að fara í gegnum hlutina með þér.“

7. Ekkert samband mun þroska þinn fyrrverandi 

„Þegar þú hættir að nota þinn fyrrverandi sem uppsprettu allrar hamingju í þínu lífi muntu komast að því að það er bara þú sem skiptir máli í þessum heimi. Það er enginn að fara að bjarga þér frá eigin lífi. Það er þitt mál að finna út af hverju þú ert fædd inn í þennan heim og hvernig þú getur skapað þér ríkulegt líf með tilgangi.

Þetta er erfið vinna, hún getur tekið á. En það er frá þessum stað sem lífið byrjar og verður virkilega þess virði að lifa því. Þér mun líða eins og þú sért yngri og þú munt vakna á morgnana spennt fyrir þeim verkefnum sem fyrir framan þig raðast. Þú kemst einnig á þann stað að vilja velja þér maka í staðinn fyrir að þurfa á einum slíkum að halda. Góður lífsförunautur mun auka ánægju þína þegar á móti blæs. Vondur félagi eykur einingis á höfuðverkinn þegar á móti blæs.“