Heldur bara reisn í munnmökum

„Ég og kærastan mín erum búin að vera saman í sjö mánuði og við byrjuðum að stunda kynlíf fyrir fjórum mánuðum. En ég held ekki reisn í samförum án munnmaka. Hann helst ekki harður í meira en 40 sekúndur. Mér finnst kærasta mín mjög aðlaðandi og það eru mjög sterkar lostafullar tilfinningar og ást á milli okkar. Hvað er að gerast? Hver er ástæðan fyrir því að missa reisn í samförum og ná henni aðeins með munnmökum,“ skrifaði maður í vanda og leitaði ráða hjá Pamelu Stephenson Connolly, ráðgjafa The Guardian. 

Ráðgjafinn svarar honum og segir það geta tekið tíma fyrir menn að læra að skipta á milli og aðlagast því þegar skipt er á milli munnmaka og leggangakynlífs. 

„Taktu því rólega og gefðu þér tíma til þess að brúa bilið á milli þessara tveggja ólíku kynferðislegu tilfinninga. Núna gæti kærastan þín verið til í að hjálpa þér með því að fresta því að skipta yfir í samfarir þangað til þú er nálægt því að fá fullnægingu. Það er reyndar frekar algengt að menn missi reisn í samförum og er ástæðan oft kvíði. 

Á meðan munnmökum stendur getur þú slakað á og notið þess að þiggja án frammistöðukvíða eða hræðslu við að mistakast. Aftur á móti fylgja ákveðnar áskoranir samförum. Í þessari stöðu er mikilvægt að reyna að slaka á og forðast markmið eða búast við „fullkominni“ frammistöðu. Og bara af því þú byrjar samfarir á einhverjum tímapunkti í kynlífinu þýðir það ekki að þú þurfir að halda áfram. Reyndu að öðlast skilning kærustu þinnar á að það er í lagi að hætta samförum og snúa sér aftur að munnmökum og þetta ætti ekki að valda ykkar áhyggjum. Öðru fremur, lærðu að veita henni unun án þess að nota typpið.“

Maðurinn á erfitt með að stunda samfarir. mbl.is/Thinkstockphotos

• Blogga um frétt