Um þessar mundir er mikið talað um að vinna í sér. Að setja sjálfan sig í fyrsta sætið, að setja heilbrigð mörk og að lifa í núinu. Það fylgir mörgum þeim sem stíga út úr amstri dagsins sá stimpill að vera sjálfselskir. Og eru þar af leiðandi ekki nógu duglegir að vera til staðar fyrir aðra.
Radhi Devlukia-Shetty gerir þetta að umtalsvefni sínu í nýlegri færslu þar sem hún segir:
„Það er þunn lína á milli þess að vera sjálfselskur og að ástunda skilyrðislausa sjálfsást. Að sjálfsögðu er gott að taka sér tíma í burtu frá fólki og hlaða orkuna. Hækka andlega tíðni okkar og skoða hlutina út frá alls konar sjónarhornum. En við ættum að forðast að draga okkur algerlega í burtu frá öðru fólki. Sama á hvað tíðni fólk er, langar mig að hvetja ykkur til að gefa af ykkur til annarra. Sýnið fólki athygli og ást og hafið góð áhrif á aðra. Það er nóg til af jákvæðri orku og alltaf hægt að búa til meira af henni.“
Radhi Devlukia-Shetty er eiginkona Jay Shatty. Hún er þekktur vegan-kokkur og Jay Shetty sem áður var munkur er ötull við að deila sinni jákvæðu orku til þeirra sem áhuga hafa.