„Þegar ég fór út á lífið með vinum endaði ég á að sofa hjá konunni sem vinnur á barnum. Þetta er nú orðið að reglu. Ég vildi að ég gæti farið frá eiginkonu minni en við eigum börn. Ég og konan mín höfum þróast í sundur. Við stundum ekki kynlíf og ég efast um að við elskum hvort annað. Ég er 34 og hún er 32 ára,“ skrifaði maður í klemmu og leitaði ráða hjá Deidre, ráðgjafa The Sun. 

„Það hljómar undarlega að ég búi enn með henni en aðstæðurnar eru þannig að við eigum tvo stráka sem eru fimm og sjö ára og ég vil ekki eyðileggja fjölskylduna. Það myndi alveg fara með strákana. Mamma þeirra vinnur um helgar svo ég fer með þá í sund og á fótboltaæfingu. Konan mín veit ekki að ég held fram hjá henni en hún átti í framhjáhaldi í fyrra. Hún viðurkenndi það og samþykkti að tala ekki við manninn aftur. Ég fyrirgaf henni. Ég vinn með föður hennar sem er önnur ástæða þess að ég er með henni. Það væri erfitt ef ég færi frá konunni. Ég veit að hann myndi segja að þetta væri mér að kenna. Vinir mínir hittast allir þar sem kærasta mín vinnur. Við reynum að láta lítið á þessu bera en ef ég er lengi lætur hún mig fá lítinn miða þar sem hún segir mér hvenær hún klárar. Ég fer aðeins fyrr og bíð þangað til hún klárar. Kynlífið er frábært. Hún er 29 ára yndisleg, góð og fyndin. Ég efast um að þetta fari eitthvað lengra. Mér líður eins og ég sé fastur.“ 

Hjónabandið er ekki upp á sitt besta. mbl.is/Thinkstockphotos

Tengdar fréttir

Samskipti kynjanna

Litlu hlutirnir í samböndum skipta máli

• „Þessar áskoranir eru mjög algengar í ADHD parasambandi“
• Missti meydóminn 35 ára gömul
• Íslenskur karl leitar ráða vegna leiðinlegrar eiginkonu
• Kynlífið snarminnkaði eftir að sambúðin hófst

» Fleiri tengdar fréttir

• Blogga um frétt