Aðventan og aðdragandi jólahátíðarinnar er tími sem reynist mörgum erfiður. Þá einna helst þeim sem syrgja ástvini. Það þekkir Ína Lóa Sigurðardóttir, framkvæmdastýra Sorgarmiðstöðvarinnar, vel af eigin raun. 

Ína Lóa var gestur Berglindar Guðmundsdóttur í Dagmálum á dögunum þar sem hún sagði frá reynslu sinni af ástvinamissi sem hún hefur unnið úr í gegnum árin og náð að öðlast jafnvægi á ný með sorgina sér við hlið. Í starfi hennar hjá Sorgarmiðstöðinni aðstoðar hún aðra við að yfirstíga sorg og gefur syrgjendum og aðstandendum bjargráð á torveldum tímum. 

„Við missum hann [Árna] í nóvember og þá er ansi stutt í jólin,“ útskýrði Ína sem gat ekki hugsað sér annað en að minnast látins eiginmanns síns og barnsföður við matarborðið á fyrstu jólunum án hans. 

„Systurnar“ sorg og gleði

„Það vantaði einn aðila sem hafði vanalega verið með okkur. Ég hafði þörf fyrir að ávarpa þetta. Mér fannst við ekki geta byrjað að borða án þess að minnast á Árna,“ sagði Ína sem þótti það gott að geta gefið sorginni rými á þessum tímapunkti.  

„Það má samt ekki gleyma því að það er líka gleði á jólunum. Við getum við sorgmædd en við getum líka verið glöð.“

Hér getur þú horft á viðtalið við Ínu Lóu í heild sinni.

Tengdar fréttir

Dagmál

Upphafsfasinn hættulegastur

• „Þegar ég verð forseti þessa lands“
• 70% Íslendinga nota lyf að staðaldri
• Áður séð sama fjölda manndrápsmála
• Aðeins 10-12% kynferðisbrota tilkynnt

» Fleiri tengdar fréttir

Sorgarmiðstöð

Hvernig getur fólk í sorg komist í gegnum jólin?

• Vekja athygli á stöðu syrgjenda
• Nýgift Svanhildur Nanna mætti í Sky Lagoon
• Lífið er stutt og viðkvæmt
• „Fyrst á eftir sá maður ekki fyrir sér að maður myndi finna gleðina“

» Fleiri tengdar fréttir

• Blogga um frétt