Ég er bíræfinn tilfinningaþjófur

Valur Grettisson með fyrstu eintökin af bókinni Gott fólk.
Valur Grettisson með fyrstu eintökin af bókinni Gott fólk.

„Ég hef alltaf verið að skrifa. Ég ætlaði að gerast ljóðskáld þegar ég var ungur maður og gekk svo langt að gefa út ljóðabókina Skýjamyndaárásir þegar ég var 24 ára gamall. Svo skyndilega var mér kippt inn á DV undir ritstjórn Mikaels Torfasonar og Jónasar Kristjánssonar og ég ákvað að einbeita mér að því að vera blaðamaður,“ segir blaðamaðurinn Valur Grettisson sem í vikunni gaf frá sér sína fyrstu skáldsögu sem heitir Gott fólk. Hann segir að skáldið hafi togað í sig.

„Úr varð að ég tók þátt í smásagnasamkeppnum til þess að fá útrás fyrir skáldagáfunni. Þannig tók ég þrisvar þátt í Gaddakylfunni og einu sinni í ástarsagnasamkeppni Vikunnar. Ég endaði alltaf í öðru sæti og var fyrir vikið uppnefndur silfurskáldið af félögum mínum,“ segir hann.

Skömmu fyrir jól 2013 breyttist margt í lífi Vals þegar hann missti vinnuna.

„Vendipunkturinn varð svo skömmu fyrir jól árið 2013 þegar ég var rekinn af Fréttablaðinu. Þá var Hanna Ólafsdóttir, kærasta mín, kasólétt og við eignuðumst okkar annað barn, Illuga, um miðjan nóvember. Þannig fékk ég smá svigrúm til þess að skrifa og byrjaði þá á gamalli hugmynd sem reyndist ansi léleg þegar hún var komin niður á blað. Það var samt ekki fyrr en í desember sem við Hanna vorum að kaupa föt á eldri strákinn sem hugmyndin um ábyrgðarferlið kom og vildi ekki fara úr huga mínum. Ég settist fljótlega niður við tölvuna og fyrstu kaflarnir skrifuðu sig eiginlega sjálfir. Þá þegar fann ég að ég var með eitthvað athyglisvert í höndunum.“

Hvernig blandast ábyrgðarferlið inn í bókina og hvers vegna ertu að spá í því?

„Ábyrgðarferlið er hreyfiaflið í bókinni og vakti áhuga minn af mörgum ástæðum. Meðal annars vegna þess að þarna taka konur, sem telja á sér brotið, réttlætið í eigin hendur og snúa skömminni upp á meinta brotamenn. Vandinn við þetta ferlið er þó það að ásakanirnar geta verið óljósar og það er engin eiginlega refsing kveðinn upp. Þá kemur upp sá vandi í sögunni, að söguhetjan, Sölvi, kannast alls ekki við að hafa brotið á ástkonu sinni. Fyrir vikið þarf söguhetjan að rétta yfir eigin tilfinningalífi og kanna hvernig hann braut á konunni sem sakar hann um andlegt og kynferðislegt ofbeldi.“

Kemur starf þitt sem blaðamaður, fyrst á DV og svo Fréttablaðinu, eitthvað inn í bókarskrifin?

„Já. Ég nota fjölmiðla mikið í sögunni. Söguhetjan vinnur sem menningarblaðamaður og er að auki gagnrýnandi í sjónvarpi. Þetta er heimur sem stendur mér nærri þó ég hafi aldrei unnið sem menningarblaðamaður. Söguframvindan er einnig knúin áfram að einhverju leyti með fjölmiðlum.“

Þegar Valur er spurður að því hvernig hann hafi skrifað bókina segir hann að hann hafi haft líf sitt í föstum skorðum.

„Ég hef alltaf verið nokkuð agað skáld. Ég vaknaði snemma og kom eldri stráknum í skólann og skrifaði svo fram eftir degi. Yfirleitt hætti ég upp úr hádeginu nema þegar ég hafði mjög skýra sýn hvert ég var að fara. Svo er náttúrulega helmingurinn af því að skrifa bók að skipuleggja hana í huganum. Ég reyndi líka að nýta kvöldin í að lesa yfir og betrumbæta kaflana. Svo tók ég helgarfrí og allt saman.

Ég lenti aldrei í neinum sérstökum vandræðum. Það var kannski helst eftir að Bjartur ákvað að gefa bókina út sem ég varð dálítið stressaður, því ég hafði eiginlega ekkert velt því mikið fyrir mér að gefa skáldverkið út, enda orðinn frekar vanur að skrifa ofan í skúffuna. Þannig lokametrarnir voru dálítið strembnir fyrir utan að ég var þá að vinna á fullu.“

Fórstu að horfa öðruvísi á fólkið í kringum þig eftir að þú byrjaðir að skrifa bókina?

„Nei, ekki þannig. Má kannski segja að ég horfi á margan hátt öðruvísi á samfélagið vegna blaðamennskunnar. Munurinn var þó sá að ég var meira vakandi yfir tilfinningum og upplifunum fólks þegar ég skrifaði bókina. Ég stal svo öllum þeim tilfinningum sem mér fannst athyglisverðar eða skemmtilegar. Það mætti segja að ég sé bíræfinn tilfinningaþjófur.

Nýttir þú reynsluna af því að vera rekinn í bókarskrifin?

„Það má frekar segja að ég hafi nýtt reynslu mína sem skáld frekar. Það er frægt að blaðamenn eigi erfitt með að aftengja sig blaðamennskunni og skrifa skáldsögu. Það ágæta við að vera rekinn var að ég sór þess dýran eið að hætta endanlega í blaðamennskunni, enda gífurlega krefjandi og erfitt starf og getur tekið verulega á. Þannig losaði ég mig við alla bagga blaðamennskunnar mjög fljótlega og hóf skrifin með nokkuð skýran huga. En auðvitað entist ég ekki lengi fyrir utan fjölmiðlana. Ég endaði á DV, þar sem ég hóf minn blaðmannaferil fyrir tæpum tíu árum síðan.“

Tókstu það nærri þér að missa vinnuna og hvernig dílaðir þú við það?

„Ég held að allir blaðamenn sem hafa starfað í faginu í lengur en korter taki ekki uppsögn sérstaklega nærri sér. Þetta er kvikur heimur og mikið af sviptingum. Mér var frekar létt heldur en hitt. Ég upplifði tækifæri í því að vera rekinn. Besta leiðin til þess að halda áfram og þróast í betri átt er að upplifa breytingar. Og það er kannski illskásta leiðin til þess að takast á við uppsögn. Ég erfi ekkert við einn eða neinn, enda reyndist þetta hugsanlega með bestu tækifærum sem ég hef fengið í lífinu, og fyrir það er ég bara nokkuð þakklátur.“

mbl.is

Gjöf sem nýtist ekki er sóun

Í gær, 23:00 „Sem dæmi um óheppilegar jólagjafir mætti nefna það þegar fyrirtæki gefur 5.000 kr. gjafabréf í verslun þar sem ódýrasta varan kostar 15.000 kr. Það sama má segja um að gefa ferðatösku í jólagjöf til starfsfólks sem fer reglulega til útlanda og á að öllum líkindum slíka tösku.“ Meira »

Krónprinsessurnar í sínu fínasta pússi

Í gær, 19:00 Mette-Marit krónprinsessa Noregs og Mary krónprinsessa Danmerkur tóku fram sína fínustu kjóla þegar þær mættu í afmæli Karls Bretaprins. Meira »

Haldið ykkur: Weekday opnar á Íslandi

Í gær, 14:29 Fataverslunin Weekday mun opna í Smáralind vorið 2019. Verslunin er í eigu Hennes & Mauritz en nú þegar hafa þrjár H&M-búðir verið opnaðar á Íslandi, þar á meðal ein í Smáralind. Meira »

Sölvi Snær og fjölskylda selja á Nesinu

Í gær, 12:38 Sölvi Snær Magnússon listrænn stjórnandi NTC og Kristín Ásta Matthíasdóttir flugfreyja hafa sett sína fallegu hæð á sölu.   Meira »

Getur fólk í yfirvigt farið í fitusog?

Í gær, 10:00 „Ég er með mikil bakmeiðsl og er í yfirvigt. Mig langar að vita hvort hægt sé að fara í fitusog til að minnka magann?“  Meira »

Egill er fluttur eftir 37 ár í gamla húsinu

Í gær, 05:30 Egill Ólafsson flutti nýlega í útsýnisíbúð við sjóinn eftir að hafa búið í sama húsinu í 37 ár. Í dag býr hann á þremur stöðum, í 101, í bát og í Svíþjóð. Meira »

5 mistök sem fólk sem vill léttast gerir

í fyrradag Ef markmiðið er að léttast er best að byrja á mataræðinu enda gerist lítið ef mataræðið er ekki í lagi, jafnvel þótt þú hamist í ræktinni. Meira »

Fáðu tónaða handleggi eins og Anna

í fyrradag Anna Eiríksdóttir er þekkt fyrir sína vel þjálfuðu og tónuðu handleggi. Hér sýnir hún hvernig hún fer að því að láta þá líta svona út. Meira »

Hildur Eir og Heimir skilin

í fyrradag Hildur Eir Bolladóttir prestur í Akureyrarkirkju og eiginmaður hennar, Heimir Haraldsson, eru skilin. Hún greinir frá því á Facebook-síðu sinni. Meira »

Útvaldar máluðu Omaggio-vasa

í fyrradag Nokkrar útvaldar smekkskonur mættu í Epal í Skeifunni og gerðu sína eigin útgáfu af einum vinsælasta vasa landsins, Omaggio-vasanum frá Kähler. Reyndi á listræna hæfileika kvennanna enda erfiðara að mála rendurnar frægu á vasana en fólk heldur. Meira »

Hátíðalína Chanel fær hjartað til að slá

í fyrradag Meira er meira að mati Chanel fyrir jólin en hátíðarlína franska tískuhússins í ár nefnist Le Libre Maximalisme de Chanel. Innblástur förðunarlínunnar er sóttur í stjörnumerki Gabrielle Chanel, ljónið, og einkennast litirnir af djúpum gylltum og málmkenndum tónum. Meira »

Fór úr sínu versta formi yfir í sitt besta

í fyrradag Díana Hrund segir líklegt að hún hefði verið löngu búin að gefast upp á lífsstílsbreytingu sinni ef hún hefði mælt árangurinn á vigtinni. Meira »

Fröken Fix hannaði eldhúsið

í fyrradag Sesselja Thorberg, innanhússhönnuður og eigandi Fröken Fix, hannaði eldhús fyrir fjölskyldu í Reykjavík. Hún segir að eldhúsið sé blanda af nokkrum þáttum. Meira »

10 atriði sem menn ljúga um á stefnumótum

14.11. Það er ekki sniðugt að ljúga um hjúskaparstöðu á stefnumótum en fjölmargir karlar eru sekir um þá lygi. Enn fleiri hafa þó logið til um fjölda rekkjunauta. Meira »

Á ég að stofna fyrirtæki eða ekki?

14.11. „Núna stend ég á krossgötum þar sem ég er að klára háskólanám í desember og hef lengi vel verið með þá flugu í hausnum að stofna fyrirtæki. Núna er flugan farin að fljúga hraðar þar sem við erum núna tveir úr náminu sem erum að hugsa um að stofna fyrirtæki saman, og hugmyndin því komin skrefinu lengra.“ Meira »

Sprautaði barnaolíu í varirnar

14.11. Barbie-fyrirsætan Kerry Miles er ekki hætt að fara í fegrunaraðgerðir þrátt fyrir að barnaolíu var sprautað í varir hennar.   Meira »

Ert þú með einkenni vinnustress?

14.11. „Fólk gengur um með vinnusíma þar sem tölvupósturinn dettur inn allan daginn. Með tilkomu snjallsímanna getur „netrúntur“ í símanum hreinlega orðið að áráttu eða fíkn. Margir hafa tilhneigingu til að „athuga“ í sífellu hvort eitthvað hafi gerst og áður en þeir vita af er vinnupósturinn orðinn fastur liður í netrúntinum, líka þegar heim er komið.“ Meira »

Komdu í veg fyrir að þykkna um jólin

14.11. „Við könnumst flest við að borða aðeins of mikið yfir jólahátíðina. Þetta einfalda ráð sem ég ætla að deila með þér í dag gæti verið lausnin til að fyrirbyggja ofát og sleppa þannig við aukakílóin og slenið sem því fylgir,“ segir Júlía. Meira »

Forsetafrúrnar flottar í tauinu

14.11. Brigitte Macron og Melania Trump hittust um síðustu helgi í sínu fínasta pússi. Sú franska var töff að vanda en frú Trump í öllu hefðbundnari klæðnaði. Meira »

Hversu oft á að stunda kynlíf?

13.11. Er ég að stunda nógu mikið kynlíf? Þetta er spurning sem fólk veltir fyrir sér hvort sem það er hamingjusamt eða ekki.   Meira »

Simbi framfleytti sér með glæpum

13.11. Sigmundur Geir Helgason, Simbi, væri líklega ekki á lífi í dag ef hann hefði ekki komist í meðferð í Hlaðgerðarkoti fyrir tæpu einu og hálfu ári. Hann framfleytti sér með glæpum um árabil. Meira »