Hópur af Íslendingum er nú staddur á Feneyjatvíæringnum sem haldinn er í Feneyjum á Ítalíu. Þar á meðal eru Skúli Mogensen fyrrverandi forstjóri Wow air og Gríma Björg Thorarensen innanhússhönnuður og kærasta hans. Þar voru líka Sigurbjörn Þorkelsson og Heiða Magnúsdóttir sem reka meðal annars Ásmundarsal og Fossa. Hjalti Karlsson sem er afar þekktur grafískur hönnuður og býr í New York, Sif Gunnarsdóttir, skrifstofustjóri menningarmála Reykjavíkurborgar, Tinna Þorsteinsdóttir píanóleikari og Herdís Anna Jónasdóttir óperusöngkona sem fór með hlutverk Violettu í La Traviata hjá Íslensku óperunni. 

Feneyjatvíæringurinn er langvirtasti listviðburður heims. Í ár er það Hrafnhildur Arnardóttir listamaður sem gengur undir nafninu Shoplifter sem sýnir fyrir Íslands hönd. Hún er með innsetningu þar sem litríkt gervihár er í aðalhlutverki. Hrafnhildur hefur á sínum ferli unnið mikið með mannshár og notað það í listaverk sín. 

Það var mikið rokk og ról í opnunarpartýi íslenska skálans en þar sá hljómsveitin HAM til þess að engum leiddist. Hljómsveitina HAM skipa Óttar Proppé fyrrverandi heilbrigðisráðherra, Sigurjón Kjartansson leikstjóri og grínari og Sigurður Björn Blöndal fyrrverandi borgarfulltrúi Besta flokksins, Flosi Þorgeirsson gítarleikari og Arnar Geir Ómarsson trommuleikari.  

 Hjalti Karlsson grafískur hönnuður lét fara vel um sig í Feneyjum. 

 Herdís Anna Jónasdóttir óperusöngkona er stödd í Feneyjum. 

 Hér má sjá mynd af innsetningu Hrafnhildar Arnardóttur. 

Hér eru Heiða Magnúsdóttir og Sigurbjörn Þorkelsson á opnun sýningar í Ásmundarsal. Með þeim á myndinni eru Erla Sveinsdóttir, Björn Borg og Samúel Jóhannsson. mbl.is/Elsa Katrín Ólafsdóttir

Tengdar fréttir

Hverjir voru hvar

Allt á útopnu á HönnunarMars

• Feik eða ekta? Það er spurningin!
• Matthías Imsland og Ásmundur Einar skemmtu sér
• Allt á útopnu í útgáfuboði Verzlunarskólablaðsins
• Óskar fagnaði 70 ára afmæli með stæl

» Fleiri tengdar fréttir

• Blogga um frétt