Ekkert lát er á fallegum ljósmyndum úr brúðkaupsferð þeirra Alexöndru Helgu Ívarsdóttur og Gylfa Þór Sigurðssonar sem eru án efa frægustu nýgiftu hjón landsins. Þau eru eins og fyrr hefur komið fram stödd á Maldíveyjum í brúðkaupsferð en þau giftu sig á dögunum við Como-vatn á Ítalíu.
Maldíveyjar er vinsæll áfangastaður fyrir nýgfift hjón. Dýri Kristjánsson og Ingibjörg Sveinsdóttir sem gengu í hjónaband í lok maí á þessu ári hafa einnig notið hveitibrauðsdaga sinna á eyjunni að undanförnu.
Ljósmyndirnar sem Alexandra og Gylfi birta úr brúðkaupsferðinni eru listrænar og fallegar og birti Alexandra nýverið ljósmynd af Gylfa sem margir eru á því að sýni að hún eigi einn heitasta eiginmann veraldar.
Þau virðast vera að leika sér með hugmyndir sem tengja fegurðina á ströndinni við hjónabandið. Ljósmynd af Alexöndru sem tekin er í gegnum það sem virðist vera giftingarhringur Gylfa er vitnisburður um það.