Eftirsóttustu einhleypu konur Íslands
Setja bókamerki
Sumarið er tíminn til að finna ástina og þá er ágætt að vita hverjir eru áhugaverðustu einhleypu konur Íslands. Eins og sést á listanum eru margir kvenskörungar í lausagangi.
Lilja Pálmadóttir hestakona
Það hefur alltaf gustað af Lilju en fyrst fór hún í listnám en svo tók hestamennskan yfir og líður Lilju hvergi betur en í Skagafirðinum þar sem hún býr að hluta til. Lilja er var gift Baltasar Kormáki leikara og leikstjóra en leiðir þeirra skildu síðasta vetur.
María Sigrún Hilmarsdóttir fréttamaður
Fréttamaðurinn María Sigrún er á lausu eftir að hún skildi við eiginmann sinn. María Sigrún hefur óbilandi áhuga á kökuskreytingum og kann að lifa lífinu. Hún hefur góðan húmor og er alltaf til í að gera eitthvað skemmtileg.
Berglind Guðmundsdóttir matarbloggari og hjúkrunarfræðingur
Berglind rekur vefinn Gulur, rauður, grænn og salt en þar er að finna dýrindis uppskriftir af öllu því sem máli skiptir þegar kemur að eldamennsku. Nýlega hætti Berglind í fastri vinnu sem hjúkrunarfræðingur til að geta látið drauma sína rætast, gera vefinn stærri og svo heldur hún líka skemmtilega fyrirlestra.
Steiney Skúladóttir leikkona
Steiney er ein fyndnasta kona landsins. Steiney sló í gegn í Hraðfréttum og með rappsveitinni Reykjavíkurdætrum en nú er hún byrjuð með nýjan hlaðvarpsþátt, Einhleyp, einmana og eirðarlaus.
Helga Árnadóttir athafnakona
Helga er einstök smekkkona og harðdugleg. Hún er alin upp í verslun en fjölskylda hennar rak verslunina Sonju í gamla daga sem síðar varð að Vero Moda veldinu sem rekur fjölmargar verslanir eins Jack and Jones, Selcted og Vila eða þangað til hún seldi hlutinn sinn í fyrirtækinu. Hún elskar ferðalög og útivist.
Guðrún Sóley Gestsdóttir sjónvarpsmaður
Guðrún Sóley starfar á RÚV en um síðustu jól gaf hún út sína fyrstu matreiðslubók þar sem hún kenndi fólki að búa til dýrindis grænmetisrétti. Guðrún Sóley er vegan og mikil útivistarmanneskja.
Dóra Júlía Agnarsdóttir plötusnúður
Dóra Júlía er mögulega bleikasti plötusnúður í heimi. Hún gengur um með litla bleika Prada tösku og gjarnan má sjá hana með bleik sólgleraugu. En fyrir utan það að elska bleikan lit þá er hún mjög góð í því sem hún gerir enda er henni flogið heimshorna á milli til að spila fyrir hina ríku og frægu eins og til dæmis Richard Branson.
Sigríður Elva Vilhjálmsdóttir fjölmiðlakona
Sigríður Elva er engri lík. Hún hefur brennandi áhuga á bílum og flugvélum og drekkur helst aldrei neitt annað en svart gos. Hún er búin að vera á lausu síðan upp úr sambandi hennar og Teits Þorkelssonar slitnaði en þau voru búin að vera saman í meira en áratug.
Sunneva Eir Einarsdóttir áhrifavaldur
Megaskvísan Sunneva Eir er á lausu en hún er einn heitasti áhrifavaldur dagsins í dag. Hún er í fantaformi og leggur mikið upp úr hreyfingu og heilsusamlegum lífsstíl. Allt sem Sunneva gerir vilja hinir gera líka.
Auður Jónsdóttir rithöfundur
Auður er á lausu en hún skildi í fyrra við eiginmann sinn. Auður er einn besti rithöfundur landsins en hún hlaut mikið lof fyrir bækur sínar Ósjálfrátt, Stóra skjálfta og Fólkið í kjallaranum svo einhverjar séu nefndar. Hún skrifar áhugaverða pistla í Kjarnan á milli þess sem hún situr við skriftir en aðdáendur hennar vona að hún sendi frá sér nýja skáldsögu fyrir næstu jól.
Berglind „Festival“ Pétursdóttir sjónvarpsstjarna
Sjónvarpsstjarnan Berglind Festival er á lausu og er mikill fengur enda ein skemmtilegasta kona landsins. Berglind er konan sem fær fólk til þess að horfa á línulega dagskrá á RÚV á föstudagskvöldum og ekki skemmir fyrir að hún er með B.A. gráðu í dansi.
97 aðgerðir hafa neikvæð áhrif
Saka Ísraela um fjöldamorð
Er 83% skattur á hagnað hæfilegur?
Sýklalyfjaónæmi vaxandi vandamál
Erlendir fangar sendir til útlanda?
Fjármögnun alríkisins enn í óvissu
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál