Sveinn Andri keypti sér hvítan Range Rover

Sveinn Andri Sveinsson lögmaður og skiptastjóri WOW air er sannkallaður riddari götunnar eftir að hann festi kaup á hvítum Range Rover Sport SE. Bíllinn er 2017 árgerð. 

Sveinn Andri er með töluverða bíladellu en það komst í blöðin fyrir um áratug þegar hann keypti sér hvítan Mustang með blæju. Sá bíll hafði verið draumabíllinn frá barnæsku og keyrði hann lengi um á honum. 

Nú er hann hinsvegar kominn á bíl sem er vinsæll hjá hinum ríku og frægu hérlendis og erlendis. Bíllinn er reffilegur og fer ekki framhjá neinum í umferðinni. Hann er með svörtum felgum, svörtum rúðum og svörtum leðursætum. Ekki er vitað nákvæmlega hvað Sveinn Andri borgaði fyrir bílinn enda hafði hann lítinn áhuga á að ræða þessi bílakaup þegar haft var samband við hann. Samkvæmt vefnum www.bilasolur.is eru sambærilegir bílar á 11 til 13 milljónir.  

• Blogga um frétt