Sunna Gunnars Marteinsdóttir og Gunnar Bragi Sveinsson alþingismaður eru orðin hjón. Sunna birti mynd af sér og nýbökuðum eiginmanni sínum á Instagram um helgina.
„Hjónin“ stóð við mynd sem Sunna birti á Instagram. Á myndinni hélt Gunnar Bragi brosandi um eiginkonu sína. Þau voru með giftingarhringa og Sunna í hvítum fallegum brúðarkjól.
Sunna og Gunnar Bragi hófu formlega að vinna saman þegar hann réð hana sem aðstoðarmann sinn þegar hann var utanríkisráðherra árið 2013. Nokkrum árum síðar voru þau farin að búa saman. Smartland greindi frá trúlofun þeirra í maí. Gunnar Bragi er alþingismaður og situr á þingi fyrir Miðflokkinn. Hann sækist ekki eftir endurkjöri í kosningunum í haust.
Smartland óskar hjónunum til hamingju.