Hjörvar Hafliðason, fjölmiðlamaður, álitsgjafi og íþróttastjóri Viaplay, heldur fast í páskahefðirnar og heldur gjarnan upp á páskahátíðina með grilluðu lambalæri. Hann segir frá sínum páskum í páskablaði Nettó. 

„Ég held fast í hefðir og horfi nánast á alla leiki sem eru í sjónvarpinu um páskana,“ segir Hjörvar. „Í gamla daga var alltaf farið í Hveragerði á páskadag. Við fórum í Eden og svo í blómabúð og brunuðum síðan beint heim.“ Hjörvar nýtur frítímans með fjölskyldunni. „Við reynum að fara kannski eitthvað í burtu til útlanda því páskafríið býr til flesta frídaga.“

Grillað lambalæri með beini

„Þú setur brennara á fullt á grillinu en hefur slökkt í miðjunni. Síðan setur þú lambalærið í miðjuna þar sem er slökkt en passar að nota ekki álpappír. Það er best að snúa lærinu reglulega. Þegar kjöthitamælirinn sýnir 58 gráður ferðu með lærið inn í eldhús og lætur standa í 7 mínútur,“ segir Hjörvar og bætir við: 

„Sósan fer eftir smekk en ég er hrifinn af öllum brúnum sósum. Ég mæli með að krydda lambið með óreganó og kaupa tilbúið kartöflusalat sem meðlæti.“

Tengdar fréttir

Páskar

Ætlar að klára skattaskýrsluna í páskafríinu

• „Á þessum páskum er friður mér efst í huga“
• Mikilvægt að lesa eina glæpasögu um páskana
• Býr til upplifun við matarborðið
• „Blessað lambakjötið er ómissandi“

» Fleiri tengdar fréttir

• Blogga um frétt