Athafna- og áhrifavaldaparið Lína Birgitta Sigurðardóttir og Guðmundur Birkir Pálmason trúlofuðu sig í París á dögunum. Guðmundur, eða Gummi Kiró eins og hann er kallaður, fór á skeljarnar.
„Þetta kom mér mikið á óvart og ég hélt að hann væri að grínast til að byrja með,“ skrifar Lína Birgitta á Instagram og birti myndir frá bónorðinu. „En svo var ekki og að sjálfsögðu sagði ég já!“
Gummi greinir frá því að bónorðið hafi átt sér stað í Tuileries-garðinum í París. Þau voru stödd í París nýlega þar sem tískumerki Línu tók þátt í tískuvikunni í París.
Smartland óskar parinu til hamingju með ástina!