Það er fátt krúttlegra en þegar lítil börn eru klædd í stíl við foreldra sína. En hvenær er tími til þess að hætta slíku, kannski um eða rétt eftir að börn byrja í skóla? En ef eitthvað er að marka Kris Jenner á aldrei að hætta því.
Hin 61 árs gamla stjörnumamma hefur sést í eins eða svipuðum fötum og dætur hennar ganga í. Kris tók þetta á næsta stig þegar hún fór til Perú í vikunni með Kylie Jenner. Kris og hin 19 ára Kylie voru klæddar í eins náttgalla þegar þær stigu um borð í flugvélina.
Beyoncé er ein þeirra stjarna sem er dugleg að samræma klæðnað sinn og dóttur sinnar. Hins vegar verður að hafa það í huga að Blue Ivy er fimm ára en ekki 19 ára.