Katrín hertogaynja af Cambridge er oft fallega klædd en þegar hún bauð tískuskvísum á borð við Naomi Campbell, Önnu Wintour og Stellu McCartney í Buckingham-höll komst hún ekki með tærnar þar sem atvinnumanneskjurnar voru með hælana.
Í tilefni þess að tískuvikan í Lundúnum er í fullum gangi bauð Katrín ásamt hertogaynjunni af Wessex áhrifafólki í tískugeiranum í boð. Katrín var í síðum kjól frá Erdem en kjólar frá merkinu hafa verið framarlega í fatastkáp hertogaynjunnar að undanförnu.
Það var fyrirsætan Naomi Campbell sem stal senunni í höllinni þetta kvöldið, ef ekki fyrir flottasta kjólinn þá að minnsta kosti fyrir athyglisverðasta kjólinn. Kjóll Campbell minnti einna helst á skúlptúr en hann mun vera úr smiðju Pierre Cardin.
Tískuritstýran Anna Wintour og fatahönnuðurinn Stelle McCatney voru ekki síður flottar en voru þó klæddar í aðeins lágstemmdari fatnað en Campbell.