Ferill leikkonunnar Laura Dern hefur gengið í endurnýjun lífdaga síðustu misseri. Dern sem er 51 árs sat fyrir í sinni fyrstu snyrtivöruauglýsingu á dögunum.
Dern sat fyrir í herferð fyrir ilmvatn frá Kate Spade en Elle greinir frá því að um sé að ræða fyrstu snyrtivöruauglýsinguna sem Dern tekur þátt í. Snyrtivörumerki hafa undanfarið litið í auknum mæli til eldri kvenna þegar kemur að því að auglýsa snyrtivörur.
Í auglýsingunni er Dern beðin um að senda sjálfri sér ástarbréf. Þar hvetur hún sjálfa sig til þess að slaka aðeins á. „Þetta er í lagi, þú ert að gera það besta sem þú getur.“
Dern lýsti húðumhirðu sinni í viðtali við The New York Times fyrir ári. Þar sagðist hún fara reglulega í andlitsmeðferð, hún notaði síðan rakakrem og rakasprey sem hún notar í flugvélum. Hún játaði einnig að nota ekki of oft sólarvörn.
Hún notar mikinn farða í vinnunni sem leikkona og því farðar hún sig ekki mikið þegar hún á frí. Maskari og varasalvi er þó eitthvað sem hún notar alltar en varasalvann er hún alltaf með í töskunni.