Melania Trump, forsetafrú Bandaríkjanna, klæddist settlegum kjól með hlébarðamynstri í óvenjulegum lit þegar forsætisráðherra Írlands, Leo Varadkar, heimsótti Hvíta húsið á fimmtudaginn.
Dagur heilags Patriks er um helgina og klæddust Trump-hjónin grænu í tilefni dagsins og í heimsókn forsætisráðherrans. Græni kjóllinn með hlébarðamynstrinu sem forsetafrúin klæddist er frá Brandon Maxwell og kostar um 160 þúsund íslenskar krónur.
Það er óvenjulegt að sjá konu eins og forsetafrú Bandaríkjanna í hlébarðamynstri en hún tónaði mynstrið niður með því að velja grænan kjól með mynstrinu. Það glitti þó í glamúrgelluna Melania Trump þar sem Christian Louboutin-hælarnir sem hún var á voru með hefðbundnu snákaskinnsmunstri.