Tískuhönnuðurinn Vera Wang gerði sér lítið fyrir og las söguna um The Handsmaid Tale, horfði á sjónvarpsseríuna og túlkaði svo stöðu konunnar út frá sögunni. Þetta endurspeglast í sumarlínu tískuhússins fyrir árið 2018.
Flestir eru sammála að afraksturinn sé til fyrirmyndar. Að sambland efna og sniða sýni ákveðna bælingu í bland við uppreisn. Í staðinn fyrir hvítt, varð svart fyrir valinu. Líkt og verið sé að syrgja stöðu sem hafi verið en nú muni konan standa sterk eftir átök #metoo hreyfingarinnar. Örlítið bæld, en líka örlítið villt. Klár í bland við smá ósmartan eðallúxus.
Línan sýnir í það minnsta að hönnuðurinn hefur tekið línuna sína í nýjar hæðir. Eitt er víst. Það verður erfitt að velja úr þessari línu skynsamlega marga eða fáa hluti.