Melania Trump, eiginkona Donald Trump forseta Bandaríkjanna, klæddist kjól frá Escada að andvirði 2700$ eða 285 þúsund íslenskra króna þegar hún hélt ræðu á galakvöldi í Ford leikhúsinu á sunnudagskvöldið. Þetta var í eitt af fyrstu skiptunum sem hún kemur fram eftir að hún undirgekkst aðgerð. Melania kom ein á galakvöldið en forsetinn er nú í Singapúr og þar sem hann fundaði með Kim Jong-un, leiðtoga Norður-Kóreu.
Stutt er síðan Donal Trump útskýrði fjarveru eiginkonu sinnar en eins og áður hefur komið fram fór hún í aðgerð. Hún hefur verið frá í 25 daga en aðgerðin tók tæpa fjóra tíma að sögn forsetans og mátti Melania ekki ferðast í mánuð eftir hana. Því gat hún ekki fylgt eiginmanni sínum á G7 fundinn sem haldinn var í Kanada um helgina.
Galakvöldið var haldið í Ford leikhúsinu í Washington DC og var til heiðurs Abraham Lincoln, 16. forseta Bandaríkjanna. Á kvöldinu var Lincoln-orðan veitt þeim sem hafa varðveitt minningu forsetans fyrrverandi í störfum sínum á árinu. Að þessu sinni hlutu Sheila Johnson og Jack Nicklaus orðuna. Í lok dagskrárinnar hélt Melania ræðu þar sem hún óskaði gestgjöfunum til hamingju með vel heppnað kvöld. Hún óskaði einnig verðlaunahöfunum til hamingju.