Óþægilegustu stuttbuxur sumarsins

Reglulega vekja ákveðnar flíkur mikla athygli fyrir eitthvað allt annað en að vera þær flottustu á markaðnum. Reyndar eru gallastuttbuxurnar frá CIE Denim ekki beint ljótar en þær eru vissulega öðruvísi. 

Frétt af mbl.is

Typpavasabuxurnar það flottasta í sumar?

Þó svo að það sé ekki endilega óþægilegra að klæðast gallastuttbuxunum frekar en öðrum er aðeins óþægilegra að horfa á þær. Stuttbuxurnar virðast nefnilega vera á hvolfi, það er  buxnastrengurinn er á lærunum og rassvasarnir snúa niður. Á mittinu er ekkert sem bendir til þess að um mittið á buxunum sé að ræða eins og á venjulegum gallabuxum. 

Stuttbuxurnar heita Nancy en merkið framleiðir einnig svipaðar gallastuttbuxur sem eru kallaðar El en stuttbuxurnar er nefndar eftir persónum í Netflix-þáttunum Stranger Things. Einnig hafa verið framleiddar gallabuxur í fullri lengd út frá sömu hugmyndafræðinni sem kallaðar eru Will, Mike og Lucas. 

Er ekki eitthvað skrítið við þetta? ljósmynd/CIE Denim

• Blogga um frétt