Nýjasta trendið þegar kemur að húðinni er andlitsnudd með náttúrusteinum á borð við Rose Quarts. Þessi aðferð sem fengið hefur nafnið „Gua Sha“ er mikið til umræðu á Instagram um þessar mundir.
Aðferðin kemur úr kínverskri speki og felur í sér að skrapa húðina með nuddi til að efla flæði í húðinni. Þessari aðferð er beitt á bak, rass og fótleggi, en einnig á andlitið eins og við erum að fjalla um hér.
Aðferðin að nudda í ákveðna átt stöðugt dregur úr bólgum og gerir húðina unglegri. Vanalega er notast við olíur í nuddið til að auka árangur og ánægju. Með því að nudda á vissan hátt andlitið stöðugt um tíma þá muntu líta vel út. Náttúrulegu steinarnir fyrir nuddið og olíur fást víða. Meðal annars í Sephora.