Studiolína H&M, sem kemur út í byrjun september, er innblásin af sjónvarpsþáttunum Twin Peaks. Sjúk næntís-áhrif einkenna línuna, slaufuskyrtur, rykfrakkar, uppábrettar gallabuxur, peysur með hænsnafótamunstri, leðurjakkar með háum kraga, plíseruð pils og viskósdragtir svo eitthvað sé nefnt. Eða svolítið eins og Laura Palmer og vinir hennar klæddust í sjónvarpsþáttunum Twin Peaks sem umturnuðu heiminum þegar þeir komu út.
Línan samanstendur af draumkenndum, dömulegum flíkum og stíl sem fenginn er að láni frá klassískri herratísku.
„Í H&M Studio elskum við að blanda saman hinu kvenlæga og karllæga og í ár höfum við bætt við áhrifum frá fjórða áratuginum – við sjáum afar kvenleg form sem er blandað saman við þekkta stíla úr klassískri herratísku sem gefur notandanum færi til að skapa sitt eigið útlit,” segir Pernilla Wohlfahrt, stjórnandi hönnunardeildar hjá H&M.
Línan, sem samanstendur af flíkum, skóm og aukahlutum, verður fáanleg í völdum verslunum, þar á meðal í H&M í Smáralind, 6. september næstkomandi.