Leikkonan Julia Roberts og stílistinn hennar, Elizabeth Stewart, stálu senunni á verðlaunum tímaritsins InStyle. Þær Roberts og Stewart eru ekki svo ólíkar og mættu í eins fötum. Litu þær stöllur út eins og tvíburar klæddar í fjólublá jakkaföt fyrir bæði kynin frá Givenchy.
Roberts sagði í viðtali við InStyle að það sé ekki oft sem þær fá að fara eitthvað saman og því hafi þær ákveðið að gera eitthvað skemmtilegt eins og að vera í eins fötum.
Ef stjörnur lenda í því að klæðast sama dressinu er oft spurt hvor hafi klæðst því betur en í tilviki þeirra Robets og Stewart er það varla hægt enda voru þær með með eins hárgreiðslu, í eins skóm og með svipaðar töskur. Eina sem var ekki eins var hárliturinn og gleraugu Stewart.