Harry Bretaprins er að missa hárið jafnhratt og bróðir hans Vilhjálmur. Sérfræðingur Daily Mail heldur því fram að Harry verði orðinn sköllóttur fyrir fimmtugt ef hann heldur áfram að missa hárið á sama hraða og síðastliðið ár.
Segir hann Harry ekki hafa gert neitt í því að fela hármissinn en það sé merki um að hann sé hamingjusamur. Á þessu stigi segir hann auðvelt að fela hármissinn með aðferðum sem þykkja hárið eins og knattspyrnumaðurinn Wayne Rooney hefur gert eða lita hárið á sér dekkra eins og David Beckham gerði á dögunum.
Sérfræðingurinn bendir þó á að myndarlegt skegg rauðhærða prinsins sé vísbending að hann sé að reyna að draga athyglina frá þunnu hárinu. Segir hann það algenga aðferð meðal manna sem eru að missa hárið.