Fataverslunin Weekday mun opna í Smáralind vorið 2019 er fram kemur í fréttatilkynningu frá fyrirtækinu í dag. Verslunin er í eigu Hennes & Mauritz en nú þegar hafa þrjár H&M-búðir verið opnaðar á Íslandi, þar á meðal ein í Smáralind.
„Weekday er ört stækkandi fyrirtæki og munu margar nýjar verslanir verða opnaðar í Evrópu árið 2019. Þar af er ætlunin að opna verslanir í tveimur nýjum löndum,“ segir í tilkynningu. Er lögð áhersla á fatnað úr gallaefni í búðum Weekday og eru vörurnar innblásnar af menningu ungs fólks og götustíl.