Krónprinsessurnar í sínu fínasta pússi

Krónprinsessurnar í Noregi og Danmörku skörtuðu sínu fínasta eins og annað kóngafólk þegar þær mættu í afmæli Karls Bretaprins í Buckingham-höll á miðvikudaginn. Ljósmyndarar fengu ekki aðgang að boðinu en myndir af þeim prinsessunum dönsku og norsku birtust á heimasíðum konungsfjölskyldnanna. 

Friðrik krónprins Danmerkur og Mary krónprinsessa voru í stíl í svörtu. Var Mary með aðra öxlina bera í einstaklega fallegum flauelskjól frá danska hönnuðinum Jesper Hovring.

Frétt af mbl.is

Með tveggja alda gamalt höfuðdjásn

Friðrik og Mary. ljósmynd/Kongehuset.dk

Stallsystir hennar frá Noregi, Mette-Marit, mætti ásamt Hákoni krónprinsi og tengdaforeldrum, Sonju drottningu og Haraldi Noregskonungi. Var Metta-Marit stórglæsileg í silfruðum kjól og eiginmaður hennar nútímalegur í bláum jakkafötum. Sonja drottning var ekki síður glæsileg í fjólubláum síðkjól. 

Hákon, Mette-Marit, Sonja og Haraldur. ljósmynd/Kongehuset.no

• Blogga um frétt